kwan ivy的部落格

今日 26-6-2008 星期四, 仲有幾日就去日本喇~ 正常我應該係好緊張好興奮的, 但唔知點解, 我的心情異常的平靜....??!  唉~

早前因為計劃上的問題, 搞到去日本的心情反覆不定..

先係因為有朋友在日本的關係, 只要買機票飛過去就冇問題的, 但點知, 朋友的pass到期, 可能要回香港... 又因為佢遲遲的未有答覆及聯絡不上 , 最後行程安排由買機票轉做自由行酒店連機票, 原先滿心歡喜的日本之旅, 開資多了很多很多... 令到行程由原有十日或以上的.. 縮短了八日..

由於旅行社眾多, 酒店價錢又貴, 地點及航空公司等等的都另我頭大了, 我每天上網找資料, 留意行程, 計邊間酒店平d, 點樣優惠, 咩地點的酒店又好d.. 等等的....苦惱了多天... 日子終於都決定好了~

當天約小be去到旺角銀行中心的旅行社, 超多人的呢~ 好擔心冇位, 我地先去了蹤寰遊及康泰, 但點知出來的結果係機位已full晒了, 原定的日子機位有限, 而且價錢亦好貴 , 令我好擔心呢~ 最後同小be去了永安, 我地排左好耐啊.. 好采都比我地訂左位, 但要等酒店回覆... 最慘的係, 原定安排的八日自由行, 想早機去晚機返的, 現在只有下午機去, 夜晚到日本, 回程係早機.... 超慘, 八日團前後冇兩日, 仲有酒店要照比錢..

由於酒店未有回覆, 機位應該可以轉的 , 所以連日來我不斷打去航空公司及旅行社, 要求轉航班~ 我日日打去問, 日日聽著留言及聽等候音樂, 但得出的結果係太多人做waiting, 所以排到好後 我原定的酒店又因為FULL了, 被逼下由 池袋劇場酒店 改轉了 新宿華盛敦。。。機票有效期八日, 為了轉早機去晚機返, 我足足花了我半個月的時間, 每天打兩次電話去查詢, 因為我的努力, 航空公司把我的排名放了較早的位置...航空公司職員跟我講, 等到五月30是一個總結, 當中有落了訂或預留機位的人如果波沒有回覆或比錢, 餘下來的機位會先安排給waiting中的旅客~ (當我聽到呢個消息我開心了大半天呢 ~) 但隔天....... 旅社打來, 由於酒店訂位問題, 客人要在29號或之前要交全數款項才可以訂酒店, 因此機票會連同客戶付款日一併確認 >_<  就算我幾努力, 都爭取不到30號... 白花了我半個月的打電話時間 ... 最後只可以由原有的早機返改為下午機返香港.... (唉~ 總算有一個安慰獎呢 )

到了六月, 我每天要做的, 就係上午留意股市及銀行匯率, 因為月結單來了, 卡數金額已經有五位數字了 , 其實我已經預留了一筆錢的, 無奈已經買晒股票, 但股市的波動, 只有蝕, 沒有升, 跌幾毫升幾仙...本想到只要回本便算了, 但每次差不多到不用蝕錢的位置時... 放又放不出.... 可惡的是, 就連抽新股都要玩潛水... 新股都係自己大意, 事前功課不足, 因為同事介紹, 他給了新股的同類股作比較, 當時心信如果抽新股可以賺回股票所蝕的金額, 拉上補下, 應該都唔會蝕錢, 仲可以全身而退的找卡數.... 好景不常, 潛艇一樣的... 跌左一半呀 !! 人地升佢冇升, 一定跌, 佢就跌... 現在已經蝕了一半..(唉~~) 希望我回來之後佢可以升返啦 ~~ 另外, 匯率方面, 一直價位為持在 7.5x - 7.48 左右的水平 , 有天, 我聽到新聞說美元升了, 日元開始跌, 當天上午的匯價係 7.36, 中午即時去兌換~ ^^ 哈~  點知去到, 因為我沒有綜合理財或外幣戶口, 所以兌換價有所偏差, 最後我要用 4.46的匯率兌換~~ 眼見幾十蚊就豪比佢啦~ 出糧後 , 匯率一直微跌冇升, 深信應該都低位了~ 我打去銀行, 問好手續及匯率計算, 拿了小be的錢及自己的人工, 作最後兌換, 本打算尚有半個月的時間可以等股票上升後套現找卡數, 因此拿了人工去兌換日元.... 結果都係一樣... 股票繼續跌, 卡數找不到, 匯率又一路下調... (唉.... 真係人黑係有個普的~) 已經括出去了... 算吧啦~~

整個六月份, 我好努力的為日本之旅計劃行程, 上網的就上網, 中午 及放工就睇旅遊書及旅遊雜誌, 晚上回家就睇流行東京 (在此先感謝威博士的意見及資料幫助及manman的流行東京 ) 時間緊迫, 第一次與小be自由行心情當然的緊張及興奮, 就係因為我的緊張, 增加了小be的壓力及誤會, 我多次的要求小be睇流行東京, 又多次的要小be睇旅遊雜誌 ~ 自私的我, 冇理會小be感受 , 又經常的在小be面前與不認識的人msn, 我 與小be之間開始出現了問題... 小be的角度 , 只要我在他身邊, 拿著背包, 去到邊都一樣咁開心, 迷路又好瞓 公園火車亦不介意的 ... 但我就... 不但沒有體諒小be , 在歐洲國家杯開鑼的日子 ,  又經常的煩佢, 其實我真係好想小be睇晒有關於日本的資料, 讓我可以同佢一齊傾傾行程及活動, 我唔想再假借別人的口, 預計我第一次的行程 , 我好想同小be你計劃我地的旅程 。。。

11/6 號的晚上... 小be的日本朋友終於打來 , 可能因為歐國盃大家一起分享足球賽事, 但言談中, 給我知道 他的朋友PASS冇問題了, 可以不用回港 , 又誇口的叫我地取消酒店...當時我真係好嬲的 , 旅行社去了三次, 兩次到了旅社都有問佢朋友, 幾時有時間, 幾時得閒等等的問題, 但每次都 支吾以對的, 每次都給到不答覆, 最後連電話都拒接~ 對此人, 我心死了, 真係死晒心, 算朋友嗎?! 其實如果係沒有空或者不方便, 我不介意, 其實只要一句就可以的,  我地亦會好通氣的 , 就算租酒店, 住民宿我地都不介意, 但至少給一點資料, 給我一點意見吧, 就連日本邊間酒店好都可以卦 ...??!  (這就是朋友了) 在我心目中, 小be的朋友就是我的朋友 , 我愛佢 , 就要愛佢的朋友~ 

行程計劃好了, 但原先係兩個拍拖的但現在可能有一兩日成了三人行或四日人行囉~ 我真好好無奈又好唔開心, 我真係忍不住了 ,點解我咁努力的計劃, 但結果又咁呢~ 一個係小be十幾廿年的好朋友, 唔通做女朋友的我就唔可以大方一點? 小be都冇介意, 我作旁人的, 又可以怎樣 ? 我真係好無奈, 我強忍著淚, 但面上就流露不到一點笑容, 我睇黑澀會都笑唔出呢... 小be見我扁咀都知我唔開心, 當佢一問我, 我就喊著的大吐不快, 當然結果就係我小家, 我小氣, 事情未發生就唸咁多, 小be氹兩句都已經冇理我了, 佢覺得, 我地都未去到日本, 就已經唸咁多, 其實食餐飯都可以嘛, 行程, 時間係自己決定的, 跟本唔需要為了小事, 令到自己唔開心! 可能我真係太小心眼了, 小氣小家, 唔識大體... 雖然唸通了 , 但小be就因為我件事, 成晚的心情就比我影響了... 當晚大家好少交談, 就連瞓覺, 都係背著的 ... 究竟我係咪真係做錯了呢? 可能小be跟本就唔知道我為了呢次的旅程負出了幾多, 做了什麼, 努力了什麼 ? 唔知我做左咁多野, 花左咁多時間, 咁努力的, 最終又可以得到幾多呢~ ? ?

我已經睇晒四十集流行東京 , 三大本旅遊書 , 同上了好多的日本東京自由行的資料 , 討論區, 日本旅遊簡介, 地圖等等 ...  現在要總結及收拾心情喇 ~ 希望呢個旅程會開心啦~ 現在酒店, 機票, 保險, 機場巴士, 地圖, 錢  等等的都準備好晒了, 餘下的心情, 希望快一點能收拾好吧~ 昔日的緊張興奮呀! 你快點回來啦~~ 我要出發喇, 仲要帶埋你上機呀!!!