生命有價 唱:王馨平
盡快將 憂愁眼睛
目前分類：分享 (10)
- Feb 08 Mon 2010 23:40
最愛兒歌
- Apr 25 Sat 2009 17:06
踏入人生中的另一階段
| 唔經唔覺已經好一段日子冇整過blog呢~ 呢排真係好忙, 冇時間上網, 冇時間整理~ |
| 短短五個月間, 我一生出現了一大的轉變喔~ |
| 一個由幸福的小女人, 改名為幸福的黃師奶呢~哈哈~ |
| 小女子 於二零零九年二月二十四日中午十二時 於紅棉道註冊, 終於同我拍拖十年的BOBBY(小BE) 結婚~ |
| 與小BE 於 一九九八年九月一日入學後隔天就相識, 坐在隔離隔離再隔離個位… 雖然隔左條走廊同兩個同學仔, 但上天已經把我地連在一起~~~ |
| 記得第一次同BOBBY 傾計, 就係在九龍灣某某報紙檔, 當時佢正買緊足球雜誌 [ 奪標 ] (現已停刊了), 我同另一位男同學仔放學經過見到佢, 我地好大聲咁叫佢 <聖士堤反> 呢個係第一個為佢改的花名, 因為佢成日上堂時拿著舊學校的學生手冊來用, <聖士堤反> 就係佢以前的學校名呢~ 就係個一次, 我地就開始成為了朋友, 慢慢就約埋一齊放學… |
| 日子耐了, 經常相約了兩三位男同學仔一齊放學去牛頭角下村督魚旦同煎樣三寶食的食我, 慢慢同小BE 感情增加了 |
| 同年的 28-11-2008 (星期六) 當天同小BE出街, 雖然唔記得為咩事出街, 在旺角街上, 記得當晚小BE送我返屋企, 佢翹實我隻手唔放, 唔捨得放手的, 仲比左一張細細個的學生証比我keep住, 話我掛住佢就可以望住張相喎… |
| 第二日, 我屋企搬屋呀, 我是看車的, 在車上, 我拿著bobby的相來笑… 記開心, 又甜蜜的~ |
| 重讀中五的那年, 認識了BOBBY (小BE) 02/12/1998 (星期三) 正式與小BE拍拖 |
| 相處十年間, 轉變左好多呢~由一個咩都唔識的SALES, 賣水晶, 賣衫, 賣錶, 好想轉行, 之後參加展翅讀書, 轉做文職, 為了想更加多時間陪小BE, 轉做文職可以朝九晚五, 放星期六日, 起碼都叫有個假期嘛… 當然, 最後份工就緊係冇咁理想啦, 比人蝦到喊, 聽閒言閒語的, 人工低, 福利差, 返足朝九晚六仲要OT, 放得星期日一日… 雖然係辛苦, 但呢段日子, 同小BE一齊, 我好開心 |
| 做SALES 的日子, 小BE要返學的, 我一個在舖頭, 有時畫公仔, 有時寫信, 放假就同小BE出去, 有時小BE會特登坐車來我舖頭, 睇我做野, 陪我傾計的.. |
| 到轉了文職, 人工雖然小好多, 但兩個拍拖的時間多了, 見面多了, 感情加深了~ |
| 唔經唔覺, 咁就拍拖十年呢~ 呢段日子真係好多謝小BE陪我, 佢教識我好多, 我地經歷過好多的, 有開心有傷心, 曾經試過因為鬧分手, 仲喊到隻眼爛左… 皮膚敏感, 好唔返~ |
| 曾經同我許下承諾 < 一個就一個, 唔會揀過第二個的 > |
| 今天~ 小BE做到了 !! 在漫長的路上, 努力與小BE建立了十年的感情, 今年終於拉埋天窗喇~ |
|
我要努力要建立一個幸福的家庭, 同小BE白頭到老, 永結同心, 將來要同小BE滿頭白髮的, 手拖手行公園, 行街市… … … … |
|
我好幸福喔, 嫁左個好老公, 我永遠都會咁愛小BE, 我會好好珍惜小BE的 !!! |
- Aug 11 Mon 2008 00:09
二零零八年八月八日八點 北京奧運
奧運開幕式~
時間 : 二零零八年八月八日八點
- May 20 Tue 2008 16:18
災難
五一二 四川大地震, 整星期的新聞紙報導的, 電視收音機播放的, 一堆堆的數子, 一張張的圖片, 講述每個拯救的過程, 一個一個被拯救出來的生還者, 事件中的受害者, 失去至親至愛的傷者, 拯救人生命的英雄, 在前線報導的新聞員, 在背後支持的人們, 捐款救濟市民 等等....
是悲傷? 是苦難? 是傷痛? 是警醒?
大地的震動, 喚醒了人民要團結起來!!!!
在此處不再詳談!! 但大家又記不記得緬甸大風暴??
可能覺得比較遠,所以都無乜點留意,但係在一格細細的格仔內講述一個遇險既女仕,因為大風暴令海邊翻起巨浪,來不及逃生,這一刻要決定三個孩子, 應該救邊個先, 當時佢只能夠救一個小孩....呢一刻佢真係好難決擇,三個都係親生孩子, 但時間不容許再去選擇, 佢當時能隨手捉住一個, 其餘的就眼睜睜的, 睇住另外兩個孩子比大浪沖走......佢無能力去救佢地,佢望住自己手中孩子......果種心情,旁人可以理解嗎??? (此段文字來自suki kwan的blog內..)
睇完這段有關於緬甸的新聞, 我當時想到, 地震大家關注到, 但又有冇人關心過緬甸的風暴呢?
幸運地我生活於香港這片福地, 認識了你地, 但大家有冇唸過如果遇到呢d情形, 你又會如何呢?
如果香港地震, 我唸大家都唔洗回答我了!! 因為結果只有一個~ 香港的地大多數是填海得來的, 而且香港地小樓多, 地震想必是骨牌一樣的...大家到時想走都冇得走了....
如果發生海潚, 大家好似發生上述的事情時, 你又會點做呢??
我的答案 :
如果我遇到呢個問題, 無論我在什麼地方, 安全與否, 我第一時間都會捉住bebe, 就算佢快要被洪水沖走, 只有我一個安全, 我都一定會跳落水攬實bebe, 情願一齊被沖走, 就算係一分鐘一秒鐘, 我都唔希望同bebe分開, 我唔可以失去佢的!! 就算要死, 我都係死在我心愛的人手裡~ 我唔會掉下bebe一個人的 !!
bebe的答案 :
如果真的有災難發生... 我根本不可能有時間去選擇救那位...只要老婆仔時刻在我身邊...老婆仔就一定係我第一個去救的人~
姐姐的答案 :
如果我遇到呢d情形,杰杰同桐桐我只可以救一個,我會救邊個呢????呢個問題,係就係無聊d,但係真係困左係我個心度好一些日子........如果真係咁,我會抱起杰杰放係果個唯一可以逃過大難既地方,跟住摟實桐桐一齊比大浪沖走,睇下有無機會沖唔走,浸唔死,如果真係死左,杰杰都會比人救返~
姐夫的答案:
佢諗左一陣就話情願一齊沖走,因為留邊個係度都會好難過一世........
咁你呢? 你的答案又會係點呢?
呢一刻請大家用心的問問自己, 究竟你心入面最想念最掛住的係邊個, 要救的又係邊個呢?
~請珍惜眼前人, 別讓生命裡留低遺憾~
分享一首歌 <只因有愛>
沒有天 星星怎麼可給世界發光
