close
話說我當天抽中了鄭秀文演唱會門票後, 好開心, 因為分別中左頭三名及其他獎項, 頭三名門票仲係頭五行添, 當拿了門票後, 得知位置是 : c行... 雖然唔知在邊, 聽到c, 緊係前啦, 好開心, 估係第三行, 原來紅館的坐位, 係由a-d 之後再 1-xxx 好開心, 我成功拿了演唱會第三行...張演唱會飛仲係用男友個名抽中的, 平時我同我男友都冇咩抽獎運, 今次抽中左, 真係好開心 ..
當我知道呢個消息, 我第一時間同summer講呢~因為係佢叫我參加抽獎, 佢都"鄧"我開心 !! 當時我唸, 反正我又唔係sammi的fans, 我男友又唔係, 拿到第三行唔好浪費, 決定左高價放出 (..^0^..) 但抽獎得來, 高價放出, 好似好衰.. 又唸到公司同事..summer 又超級鐘意sammi, 如果拿張飛同佢交換, 佢實好開心, 之後我走入廁所, 靜雞雞打比男友, 問準佢, 佢亦話唔介意喎~ 之後我一離開廁所, 就將呢個消息講佢聽, 大家都好開心, 我仲叫佢sammi掉野落台個陣, 你記得接呀, 佢叫人上台, 你記得爭住上呢~~ 唔知點解呢~ 我自己睇都冇咁開心, 自從比左張飛之後, 我就好奇待演唱會個日, 我好想佢去, 好想聽到summer 睇完演唱會之後同我分享, 講點近, 點樣拖住sammi隻手...我真係好期待呢~~
到了演唱會當天, 心情好緊張呢~~ 因為星期日, 所以在開場前我打比summer, 叫佢唔好緊張, 記得扼手, 傾左好一段時間 !! 演唱會當日, 我男友唔舒服在家嘔呢~好采, 好采我同summer換左飛, 如果唔係, 可能第二日娛樂新聞一定會話 : [ sammi 男fans 睇演唱會睇到嘔呢 ]~~哈~~ 坐咁前, 娛記見到實影晒相啦~~哈~~
傾完電話, 我買完粥仔回家, 都冇咩特別的...
到夜晚十點幾, man man打來, 佢同我講 : 你快d啦, 一陣快d打比summer 呀, 佢上左台呀 !! sammi佢叫fans上台, 有個肥妹唔識唱, 佢請英爭住上左台呀, 不過就唔識唱...哈 ~~ 我聽完之後..二話不說, 好開心的, 就即刻打比irene, 同佢分享, 我好開心, 超開心, 勁開心呀, 我男友聽到, 都好開心, 因為我同男友付出的兩張飛, 冇白費到, 佢真係上左台, 佢拖到sammi 隻手, 當時, 我感動得唔知講咩好, 好想喊, 好開心, 真係好開心, 我仲周圍同人講, 我好威, 我個fd上左台, 同sammi唱歌, 我知當日有janet同man去睇演唱會, 所以我打比janet, 同佢講, 叫佢幫我影相, 當我知佢冇去到, 我又打比man, 叫man幫我同summer 影相, 我真係好開心呢~我媽媽聽到, 都話好犀利, 大家為左summer好開心, 我同完irene傾完, 大家都好期待當演唱會結束後同summer慶祝, 恭喜佢, 我當時真係忍唔住, 仲send左兩個sms比summer, 我真係好開心呢~因為佢, 我覺得自己好威, 我好自豪 !!
(個晚真係好開心, 好感動, 好期待, 同好想喊的一晚..... !!)
Summer 你係得嘅 !! 因為你, 我感到驕傲, 因為你, 我感到自豪 !! 好犀利呀 !! 好勁呀 !!
其實, 當我抽到張演唱會飛個陣, 有好多人同我講 : [ 張飛坐到咁近, 拿上網同人講第三行, 拍賣炒高佢放出去都得啦, 仲咩咁浪費呀, 同人換, 死蠢... ] [有d人見到我msn講中左兩張飛, 都覺得, 應該炒左佢, 賺多幾百得幾百.. 覺得我好戇居, 覺得我好蠢... ] 當時我只係覺得, 抽獎之嘛, 就算佢唔同我換, 可能我送埋張飛比佢添, 咁現在佢換張480蚊飛比我, 咪又係一樣, 都係放飛啫, 冇所謂啦。 我男友都覺得, 抽獎得來, 冇所謂, 就算我送summer佢都唔介意, 因為佢都知, summer 係sammi超級fans !! 換張飛比佢都冇咩所謂的.... 其實. . . 換飛之後, 我真係有後悔過的... 其實我抽到四張飛都係20號的, 我同佢換左張19號飛之後, 20號的飛反應熱烈, 19號就無人問津... 其實summer有同我講, 話賣唔出,, 不如比返張飛我, 等我放左佢的.. 當我聽到之後.. 我好感動, 我覺得我更加唔應該咁唸.. 我唔應該後悔, 賣唔出咪算囉, 最多咪自己睇 ><" 個陣, summer同我一齊好努力的周圍問人, 有冇人要飛, 有冇人想睇.... 不過好采, 最後都賣出左 !!
最後想講的都係個句 : Summer 你真係做到, 好犀利呀!! 你係得嘅 !!!
全站熱搜
留言列表
